अखिल भारतीय गंधर्व महाविद्यालय मुंबई नोव्हेंबर 2024 मध्ये झालेल्या संगीत विशारद पूर्ण या परीक्षेत प्रणिती ज्योतीराम चांगभले हिने संगीत विशारद पूर्ण गायन या परीक्षेमध्ये प्रथम श्रेणी मध्ये उत्तीर्ण होऊन घवघवीत यश संपादन केले आहे . सरगम संगीत विद्यालय सोलापूर येथे तिने गायनाचे शिक्षण घेतले आहे. तिला सावणी कुलकर्णी व पराग कुलकर्णी यांचे मार्गदर्शन लाभले आहे.
वालचंद कॉलेज ऑफ आर्टस् अँड सायन्स येथे B.sc. 2 वर्षामध्ये शिकत आहे. अखिल भाविक वारकरी मंडळ प्रदेश अध्यक्ष उत्कृष्ट मृदंगाचार्य ह.भ.प.ज्योतीराम महाराज चांगभले यांची ही कन्या आहे. सोलापूर विद्यापिठ युवा महोत्सवामध्ये तिने घवघवीत यश संपादन केले आहे. तिने सोलापूर शहर व जिल्ह्यामध्ये अनेक ठिकाणी शास्त्रीय गायन , सुगम गायन , भजन या सारखे विविध कार्यक्रम केले आहेत.
ती उत्कृष्ट हार्मोनियम वादक आहे तिने सोलापुरातील अनेक भजन, भारूड, किर्तन या सारख्या कार्यक्रमामध्ये हार्मोनियमची साथ संगत केली आहे. तिच्या या यशाबद्दल महाराष्ट्रातील अनेक नामवंत महाराज मंडळी गायक ,वादक ,सरगम संगीत विद्यालय सोलापूर, श्री संत ज्ञानेश्वर महाराज वारकरी संप्रदाय मृदंग वादन शिक्षण संस्था सोलापूर, अखिल भाविक वारकरी मंडळ सोलापूर व सोलापूर शहर व जिल्ह्यातील अनेक भजनी मंडळांनी तिचे अभिनंदन केले आहे.
