सोलापूरचे नूतन जिल्हाधिकारी एस कार्तिकीयेन सध्या विविध विभागाचा आढावा घेत आहे. सोमवारी त्यांनी पत्रकारांकडून शहर आणि जिल्ह्यातील समस्या जाणून घेतल्या. कोणत्या गोष्टींना प्राधान्य देणार याची माहिती दिली. बुधवारी पूर्ण दिवस पंढरपूर कॉरिडॉर तसेच पालखी मार्गाची पाहणी करणार असल्याचे त्यांनी सांगितले. सर्वांच्या सहमतीने विहित कालावधीत पंढरपूर कॉरिडॉर करू असा निर्धार त्यांनी व्यक्त केला. याचबरोबर पंढरपूरची वारी, सोलापूरच आयटी पार्क, सोलापुरातील रिंग रोड या बाबीकडे लक्ष देऊ असे जिल्हाधिकारी म्हणाले. खूप मोठ्या प्रमाणावर भाविक जिल्ह्यातील धार्मिक स्थळांना देवदर्शनासाठी येतात, त्यामुळे धार्मिक टुरिझम सर्किट करण्याचा निर्धार त्यांनी व्यक्त केला.
पंढरपूर कॉरिडॉर, वारी, IT पार्क आणि धार्मिक टुरिझम- जिल्हाधिकाऱ्यांचा फोकस…!
