पंढरपुरातील बहुचर्चित अशा कॉरिडॉरला तब्बल 4000 कोटी रुपयांचा खर्च होणार आहे. हा कॉरिडॉर करण्यासाठी एक हजार मालमत्ता बाधित होत असून त्यांच्या भूसंपादनासाठी सुमारे 1800 कोटी रुपये लागणार आहेत. पालकमंत्री जयकुमार गोरे यांच्या अध्यक्षतेखाली मुंबई येथे जिल्हास्तरीय समितीमध्ये या पंढरपूर कॉरिडॉर आराखड्याला मंजुरी देण्यात आली. सात मजली पार्किंग, पालखीतळ विकास करणे तसेच विविध सेवा उपलब्ध करणे आणि चंद्रभागा नदीवर दोन पूल बांधण्याचा यामध्ये प्रस्ताव आहे. येत्या दोन आठवड्यात काही दुरुस्त्या करून मंत्रिमंडळासमोर अंतिम मंजुरीसाठी हा कॉरिडॉर सादर करणार असल्याची माहिती जिल्हाधिकारी कुमार आशीर्वाद यांनी दिली. पुढील पन्नास वर्षाचा विचार करून हा कॉरिडॉर शासनाच्या माध्यमातून उभारला जात असल्याची माहिती पालकमंत्री जयकुमार गोरे यांनी दिली.
TOP 25 । पंढरपूरच्या कॉरिडॉरला लागणार तब्बल 4000 कोटी रुपये..
