भारती विद्यापीठाचे संस्थापक कुलपती डॉ. पतंगरावजी कदम यांच्या जयंतीनिमित्त व भारती विद्यापीठाचे कार्यवाह, महाराष्ट्र राज्याचे माजी मंत्री व आमदार डॉ. विश्वजीत कदम यांच्या वाढदिवसानिमित्त भारतीय विद्यापीठ शैक्षणिक संकुल सोलापूर तर्फे “समाज प्रबोधन सप्ताहाचे” आयोजन करण्यात आले होते.या समाज प्रबोधन सप्ताह अंतर्गत विविध शैक्षणिक, सांस्कृतिक व सामाजिक उपक्रमांचे आयोजन करण्यात आले होते. या उपक्रमाचा एक भाग म्हणून भारती विद्यापीठ शैक्षणिक संकुलातर्फे रक्तदान शिबिराचे आयोजन करण्यात आले होते.
या शिबिराचे उद्घाटन सोलापुरातील प्रसिद्ध बांधकाम व्यावसायिक व शतकवीर रक्तदाते किशोरजी चंडक यांच्या हस्ते करण्यात आले. सुरुवातीला अभिजीत कदम इन्स्टिट्यूट ऑफ मॅनेजमेंट अँड सोशल सायन्स से सोलापूरचे संचालक प्रा. डॉ. एस बी सावंत यांनी प्रमुख पाहुण्यांचे स्वागत केले. आपल्या स्वागत पर भाषणात समाज प्रबोधन सप्ताह अंतर्गत आयोजित करण्यात आलेल्या विविध उपक्रमांची माहिती दिली व समाज प्रबोधन सप्ताह साजरा करना मागचा हेतू विशद केला. प्रमुख पाहुण्यांची ओळख एमबीए विभाग प्रमुख प्रा. सी. आर. सूर्यवंशी यांनी करून दिली. प्रमुख पाहुणे किशोरजी चंडक यांनी आपल्या भाषणांमध्ये रक्तदान हे श्रेष्ठदान असून सर्वांनी रक्तदान करणे गरजेचे असल्याचे सांगितले. आपण रक्तदान केल्यामुळे प्रत्यक्ष व अप्रत्यक्षरीत्या आपण अनेक लोकांचे जीव वाचवू शकतो असे त्यांनी यावेळी सांगितले. समाजामध्ये अजूनही रक्तदानाविषयी उदासीनता दिसून येते याविषयी जागृती होणे गरजेचे असल्याचे त्यांनी सांगितले व ही जबाबदारी युवकांनी घेणे गरजेचे आहे असे यावेळी त्यांनी आपले मत विशद केले. मी स्वतः 154 वेळा रक्तदान केले असून युवकांनीही जास्तीत जास्त वेळा रक्तदान करावे अशी इच्छा व्यक्त केली. या रक्तदान शिबिरात एकूण 110 रक्तदातांनी रक्तदान केले व उत्स्फूर्त प्रतिसाद दिला. आभार प्रदर्शन उपप्राचार्य डॉ. पी. पी. कोठारी यांनी केले. यावेळी समाजकार्य विभागाचे संचालक डॉ. कीर्ती राज ,भारती विद्यापीठ माध्यमिक विद्यालय व ज्युनिअर कॉलेजचे प्राचार्य एस. के. मांडके , भारती विद्यापीठ ग. सा. पवार प्राथमिक शाळेच्या मुख्याध्यापिका व्ही. डी. गोळे भारती विद्यापीठ बाल विकास मंदिर च्या मुख्याध्यापिका व्ही. एस. मोहोळे व शैक्षणिक संकुलातील शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते.
