रुग्णालयांमध्ये फक्त ९९ व्यक्तींवर उपचार…
सोलापूर : महापालिकेचा covid-19 रविवार दिनांक २० जून रोजीचा अहवाल प्राप्त झाला आहे. शनिवारी रात्री बारा वाजता संपलेल्या चोवीस तासात शहरांमधील नवीन ७ व्यक्तींना कोरोनाची बाधा झाल्याचे स्पष्ट झाले आहे. या कालावधीत २९ रुग्ण कोरोनामुक्त होऊन घरी परतले आहेत. एकाचा कोरोनामुळे मृत्यू ओढवला आहे. प्रभाग क्रमांक सहा प्रभाग क्रमांक २२ व २३ आणि प्रभाग क्रमांक २५ अशा चार प्रभागांमध्ये नवीन कोरोना रुग्ण आढळले असून इतर सर्व २२ प्रभागांमध्ये एकही रुग्ण आढळला नाही. १८ जून रोजी हृदयविकारामुळे मृत्युमुखी पडलेल्या व्यक्तीला मार्कंडेय रुग्णालयात दाखल करण्यात आले होते . त्या व्यक्तीचा रूग्णालयात येण्यापूर्वीच मृत्यू झालेला होता. त्याचा कोरोना अहवाल पॉझिटिव्ह आला आहे. रुग्णालयात दाखल असलेल्या कोरोना बाधितांची संख्या आता १०० पेक्षा कमी म्हणजे ९९ झाली आहे.
