ऑनलाईन एकल लोकनृत्य स्पर्धेचा निकाल जाहीर
सोलापूर : नृत्यकला सांस्कृतिक प्रतिष्ठान, सोलापूरच्या वतीने ऑनलाईन एकल लोकनृत्य स्पर्धेचे आयोजन करण्यात आले होते. कोविड – 19 च्या काळात कोणत्याही सामाजिक स्पर्धेला किंवा एकत्रित येणे याला परवानगी नव्हती म्हणून, ही स्पर्धा ऑनलाईन स्वरूपात घेण्यात आली. या स्पर्धेला सोलापूरसह संपूर्ण महाराष्ट्रातून प्रवेश आले होते. ही स्पर्धा 3 वयोगटात विभागण्यात आली होती. यात बालगट 5 ते 12 , कुमारगट 13 ते 18 आणि युवागट 19 च्या अशी खुली करण्यात आली होती. सर्वगटाचे मिळून तब्बल 73 प्रवेश या स्पर्धेकरिता आले होते. त्याचे निकाल दिनांक 4 जुलै रोजी ऑनलाईन स्वरूपात जाहीर करण्यात आले. या स्पर्धेचे बक्षीस स्वरूप प्रमाणपत्र आणि रोख रक्कम ऑनलाईन स्वरूपात प्रदान करण्यात आले. अशी माहिती संस्थेचे अध्यक्ष राजशेखर पंचे यांनी दिली. या स्पर्धेकरिता अदीब सय्यद आणि राकेश सोनी यांनी परिश्रम घेतले. या स्पर्धेचे परीक्षण संस्थेचे अध्यक्ष आणि राष्ट्रीय लोकनृत्य सुवर्ण पदक विजेते नृत्य दिग्दर्शक राजशेखर पंचे यांनी केले.
या स्पर्धेत विजेतेपद मिळविलेले विजेत्यांची नावे बालगटातून – प्रथम क्रमांक विभागून निहारीका चक्रे ( यक्षगाण ) आणि वृंदा भिसे ( लावणी ) , द्वितीय क्रमांक विभागून गायत्री जेवरे ( आराधी ) आणि हंसिनी साधू ( धनगरी ) पुणे , तृतीय क्रमांक विभागून प्राची कलखंबकर ( जोगवा ) आणि ईश्वरी पवार ( लावणी ) तसेच उत्तेजनार्थ कृतिका राठी ( राजस्थानी )
कुमारगटातून – प्रथम क्रमांक प्रचिती चंदने ( लावणी ) वर्धा, द्वितीय क्रमांक समृद्धी भोसले ( लावणी ) तसेच तृतीय क्रमांक विभागून संयुक्ता जानराव ( लावणी ) आणि साक्षी जोडभावी ( लावणी ). त्याचप्रमाणे युवागटातून – प्रथम क्रमांक विभागून स्नेहल साधू ( कालबेलीया ) पुणे आणि रसिका मिरजकर ( संबलपुरी ), द्वितीय क्रमांक विभागून प्रज्ञा चव्हाण ( लावणी ) आणि गार्गी मोहन देव ( पंजाबी ) या सर्व स्पर्धकांनी यश संपादन केले आहे. संस्थेतील सर्व सदस्यांनी या सर्वविजेत्यांचे अभिनंदन केले आहे.
