सोलापूर :- क्रांतीसुर्य म.फुले आणि प्रज्ञासूर्य डॉ.बाबासाहेब आंबेडकर यांच्या जयंतीनिमित्त सम्यक अकॅडमी आणि लोकराजा फाउंडेशन यांच्या संयुक्त विद्यमाने दिनांक 17 एप्रिल 2024 रोजी सम्यक प्रज्ञा शोध शिष्यवृत्ती परीक्षेचे आयोजन केले असल्याची माहिती राज्यकर निरीक्षक बुध्दजय भालशंकर यांनी दिली आहे.
शिष्यवृत्ती परीक्षेचे हे तिसरे वर्ष असून 8 वी ते 12 वी आणि 12 वी उत्तीर्ण अश्या दोन गटात ही परीक्षा घेण्यात येणार असून परीक्षेचे केंद्र जैन गुरुकुल प्रशाला बाळीवेस सोलापूर आहे.
विजेत्यांना एकूण रोख रू 25 हजार शिष्यवृत्ती सह सन्मानचिन्ह,सन्मानपत्र तसेच सहभागी विद्यार्थ्यांना सहभाग प्रमाणपत्र देण्यात येणार असून जास्तीत जास्त विद्यार्थ्यांनी आपला सहभाग नोंदवावा असे आवाहन संयोजन समितीच्या वतीने करण्यात आले आहे.नावनोंदणी आणि अधिक माहितीसाठी बुद्धजय भालशंकर मो.9960372736, आशुतोष तोंडसे मो.7038883339 यांच्याशी संपर्क साधण्याचे आवाहन संयोजन समितीतर्फे करण्यात आले आहे.
