आयएमए डेंटल निमा तीन संघटनाचा सहभाग.
मेडिकल हब म्हणून ओळख असणाऱ्या सोलापूर शहरात डॉक्टरांच्या संघटनांना एकत्र घेऊन निमा सोलापूर शाखेतर्फे “ट्रायअसोसिएशन कप” या क्रिकेट स्पर्धेचे आयोजन जय जवान जय किसान ग्राउंड नेहरू नगर या ठिकाणी केले आहे. लोकांच्या आरोग्यासाठी अहोरात्र झटणारी डॉक्टर मंडळी स्वतःच्या आनंदासाठी व आरोग्यासाठी खिलाडू वृत्तीने एकत्रित क्रिकेट खेळताना दिसून येत आहे.
दिनांक 22 फेब्रुवारी रोजी या स्पर्धेचे उद्घाटन निमा सोलापूर प्रेसिडेंट डॉ. नागनाथ जिड्डीमनी आयएमए प्रेसिडेंट डॉ. मंजुषा शहा आयडीए प्रेसिडेंट डॉ. अश्विनी किणीकर यांच्याहस्ते करण्यात आले. यावेळी निमाचे पदाधिकारी डॉ.विनायक टेंभुर्णीकर, डॉ. साहेबराव गायकवाड डॉ.नितीन बलदवा, डॉ. रविराज गायकवाड, डॉ. सुभाष भांगे डॉ. प्रवीण ननवरे डॉ. अभिजीत पुजारी, डॉ. श्रुती मराठे, डॉ. अश्विनी देगावकर, डॉ. पल्लवी भांगे आयडीए चे डॉ.वरुण देशपांडे आयएमए चे डॉ.योगेश राठोड उपस्थित होते.
शुभारंभाचा सामना निमा सोलापूर व डेंटल असोसिएश यांच्यामध्ये झाला . यात निमा सोलापूर ने नाणेफेक जिंकून प्रथम फलंदाजी करण्याचा निर्णय घेतला. कॅप्टन फिरोज मुलानी यांनी घेतलेला प्रथम फलंदाजीचा निर्णय सार्थ ठरवीत निमा सोलापूरच्या फलंदाजानी चौकार षटकार यांच्या आतिशबाजी मध्ये 12 ओव्हर मध्ये एकूण 179 धावांचा डोंगर उभा केला. यामध्ये डॉ. भीमा सिंदगी व डॉ. गोरख यांनी सलामीला उकृष्ट बॅटिंग करीत 65 धावाची भागीदारी करून धावसंख्या वाढवली तर डॉक्टर फिरोज यांनी चौफेर फटकेबाजी करीत 23 चेंडूत 69 धावा जोडून मजबुती आणली.या आव्हानाचा पाठलाग करत असताना डेंटल असोसिएशन कडून जाहिद अफजल यांनी 25 धावा केल्या. मात्र त्यांना विजयी पल्ला गाठता आला नाही. डेंटल असोसिएशन चा संघ 107 धावात गारद झाला. बॉलर सूर्यकांत धप्पा धुळे यांनी निमा सोलापूर कडून 2 ओव्हर मध्ये 12 धावा देत 3 विकेट घेतल्या . त्यामुळे निमा सोलापूर संघाने 70 धावांनी हा सामना जिंकत मालिकेत विजयी सलामी दिली.
