सोलापूर दि. १४:- भारतात लोकशाही आणि समाजवादाची मुल्ये जोपासणाऱ्या डाव्या पक्षांचे नेहमीच जनतेच्या हिताकरिता आग्रही राहिलेले आहे. सध्या राज्यात लोकशाही अधिष्ठित महाविकास आघाडीच्या वतीने सोलापूर शहरमध्य विधान सभा जागेसह राज्यातील १२ जागांबाबत माकपाचे नेतृत्वाने १५ जून २०२४ रोजी मा. शरदचंद्र पवार यांना भेटून महाविकास आघाडीबाबत सकारात्मक चर्चा केलेली आहे. त्यावेळी कॉंग्रेस पक्षाचे ज्येष्ठ नेत्या मा. सोनिया गांधी याबाबत सकारात्मक सल्लामसलत होऊन निर्णय घेण्याचे आश्वसन दिले. त्यानुसार वरिष्ठांचा निर्णय येताच सोलापूर शहर मध्य विधान सभा मतदार संघात महाविकास आघाडीच्या उमेदवाराचा प्रचार करून कॉ. नरसय्या आडम (मास्तर) यांना मताधिक्याने निवडून आणू असे कॉ. आडम मास्तर यांच्या सदिच्छा भेटीत राष्ट्रीवादी कॉंग्रेस (शरद पवार) यांचे शहर अध्यक्ष मा. सुधीर खरटमल यांनी आश्वासन दिले.
रविवार दि. १४ जुलै २०२४ रोजी राष्ट्रवादी कॉंग्रेस (शरद पवार) चे शहर अध्यक्ष मा. सुधीर खरटमल यांना सोलापूर शहरमध्य विधानसभा मतदार संघाची जागा माकपाला सोडण्यासंबंधी पक्षाचे जिल्हा सचिव अॅड. एम.एच. शेख यांच्या नेतृत्वाखाली ज्येष्ठ नेते माजी आमदार कॉ. नरसय्या आडम (मास्तर) यांच्या उपस्थितीत शिष्टमंडळाद्वारे सदिच्छा भेट घेण्यात आली.
यावेळी या शिष्टमंडळात कॉ. नलिनीताई कलबुर्गी, कॉ. युसुफ शेख (मेजर), अकिल शेख, रवी गेंटयाल, असिफ पठाण, शाम आडम आदींची उपस्थिती होती.
