सोलापूर : जुन्या व नवीन गाड्या स्वस्तात मिळवून देतो असे सांगून सोलापुरात लाखो रुपयांची फसवणूक करण्यात आली आहे . फौजदार चावडी पोलिस ठाण्यात इक्बाल मिया शेख आणि मोहम्मद खाजा पाशा मुल्ला या दोघांविरुद्ध फसवणूक प्रकरणी गुन्हा दाखल करण्यात आला आहे . जुनी कंपाउंड मिल येथील द स्क्वेअर मॉल मध्ये या दोघांचा दुचाकी आणि चार चाकी विकण्याचा व्यवसाय आहे. दुचाकी साठी १,४५,००० रुपये दिलेल्या अरुण कोठे यांनी आणि मोटारसायकली साठी ६०,००० रुपये दिलेल्या सतीश ढवळे यांनी फसवणूक झाल्याचे लक्षात आल्यानंतर फौजदार चावडी पोलिस ठाण्यात तक्रार दाखल केली . एकनाथ कराळे यांनी कार साठी तीन लाख पंचवीस हजार रुपये दिले होते. याप्रकरणी महिला फौजदार तळे अधिक तपास करीत आहेत.
