येस न्युज नेटवर्क : जपानी कंपनी सोनी आणि भारतीय कंपनी झी एंटरटेनमेंट यांच्या विलीनीकरणामुळे भारताच्या देशांतर्गत बाजारपेठेला फटका बसू शकतो असे भारतीय स्पर्धा आयोगाने म्हटले आहे. CCI ने आपल्या प्राथमिक आढावा अहवालात ही चिंता व्यक्त केली आहे. सोनी आणि झी एंटरटेनमेंटच्या विलीनीकरणामुळे 10 अब्ज डॉलर्सचा एक मोठा टीव्ही एंटरप्राइझ तयार होईल. यामुळे प्रचंड सौदेबाजीच्या सामर्थ्यामुळे बाजाराच्या स्पर्धात्मकतेला हानी पोहोचवू शकतो. सीसीआयने 3 ऑगस्ट रोजी दोन्ही कंपन्यांना जारी केलेल्या नोटीसमध्ये या प्रकरणी अधिक तपास करणे आवश्यक आहे असं म्हटलं आहे.
सोनी आणि झी यांनी गेल्या वर्षी डिसेंबरमध्ये दोन्ही कंपन्यांचे टीव्ही चॅनेल, चित्रपट मालमत्ता आणि स्ट्रीमिंग प्लॅटफॉर्म विलीन करून एक मजबूत आणि मोठे नेटवर्क तयार केले होते. भारताच्या 1.4 अब्ज लोकसंख्येच्या देशातील वाढत्या मनोरंजन व्यवसायाच्या पार्श्वभूमीवर हा निर्णय घेण्यात आला आहे, जेणेकरून वॉल्ट डिस्नेसारख्या दिग्गजांशी स्पर्धा करता येईल.
