सोलापूर : सात रस्ता जवळील जेऊरकर हॉस्पिटल जवळ सज्जाद हुसेन पेट्रोल पंपासमोर चारचाकी वाहनात बसणाऱ्या महिलेच्या गळ्यातील मणीमंगळसूत्र चोरून नेल्याची फिर्याद सदर बझार पोलिस ठाण्यात करण्यात आली आहे. विजयपूर जिल्ह्यातील इंडी येथील रहिवासी गंगाबाई मुत्तना चाबुकस्वार या चार चाकी गाडीत बसत असताना तोंडाला रुमाल बांधलेल्या चोरट्याने मंगळसूत्र बळजबरीने ओढून चोरी करून पळून गेला. साडेचार तोळे वजनाच्या सोन्याच्या मणी – मंगळसूत्रापैकी सव्वा तोळे वजनाचे ६ सोन्याचे मणी व बारा काळे मणी चोरीस गेले आहेत. त्यानंतर गंगाबाई चाबुकस्वार यांच्या मुलाने या चोरट्यांचा पाठलाग केला असता त्याने रेल्वे स्टेशन जवळील भाजी मंडई येथे आधीपासून उभ्या असलेल्या दोन अनोळखी साथीदारांकडील मोटर सायकलवरून लोकांना चाकूचा धाक दाखवत पळून जाण्यात यश मिळवले आहे. याप्रकरणी सहाय्यक पोलिस निरीक्षक सोळुंके तपास करीत आहेत.
