उत्तर सोलापूर – नान्नज येथे छत्रपती शिवजन्मोत्सव निमित्त आपल्या रांगड्या भाषेतून आणि विनोदी शैलीतून समाज प्रबोधन करणारे महाराष्ट्रातील सुप्रसिद्ध कीर्तनकार समाजप्रबोधन ह.भ. प निवृत्ती देशमुख (इंदोरीकर) महाराज यांचे रविवार दि. १ मार्च रोजी रात्री साडेआठ वाजता सोलापूर बार्शी रस्त्यावरील जी.बी घोडके विद्यालयाच्या प्राणांगणात भव्य किर्तन सोहळा प्रकाश बाबू चोरेकर शिवजन्मोत्सव मंडळ आणि शिवकृपा ग्रुप मित्र परिवार नान्नज यांच्या वतीने या विशेष हरिनाम संकीर्तन सोहळ्याचे आयोजन करण्यात आल्याची माहिती आयोजकांनी दिली आहे.
या कार्यक्रमामुळे पंचक्रोशीतील भाविकांमध्ये मोठे उत्साहाचे वातावरण पाहायला मिळत आहे.वाढती महागाई, तरुणांमधील व्यसनाधीनता, सोशल मीडियाचा अतिवापर आणि ढासळत चाललेली संस्कारांची शिदोरी यावर निवृत्ती देशमुख इंदोरीकर महाराज आपल्या खास शैलीत प्रबोधन करणार आहेत. नान्नज गावासह परिसरातील पंचक्रोशीतील नागरिकांनी लाभ घ्यावा असे आवाहन आयोजकाच्या वतीने करण्यात आले आहे .आयोजकाकडून भव्य मंडप आणि ध्वनीक्षेपक यंत्रणेची जयंत तयारी सुरू आहे. महिलासह, पुरुषा करिता बसण्याची स्वतंत्र व्यवस्था करण्यात आली असून वाहतूक कोंडी होऊ नये म्हणून स्वयंसेवकाची नियुक्ती ही करण्यात येणार आहे.
