सोलापूर/शिवाजी सुरवसे । महापालिकेची गेल्या आठवड्यात तहकूब झालेली बजेट सभा आज आयोजित केली होती मात्र नेहमीप्रमाणे एक तासाभराचा जागरण गोंधळ घालत पुन्हा गोंधळाच्या प्रचंड वातावरणात हे वर्ष संपते वेळी गेल्या वर्षीचे बजेट मंजूर करण्यात आले आहे. कोणाचाच कोणाला पायपूस नसल्यामुळे बजेट किती रुपयाचे मंजूर झाले… बजेट कोणत्या वर्षाचे होते …सत्ताधाऱ्यांची सुचना काय होती… विरोधकांची उपसूचना काय होती…
शिवाय मनपा शिक्षण मंडळाचे बजेट आणि परिवहन खात्याच्या बजेटचे काय याबाबत अनेक प्रश्न निर्माण झाले आहेत. विशेष म्हणजे हे बजेट सन 2020- 21 या वर्षाचे होते .आता पुढील वर्षाचे बजेट सादर करण्याची वेळ आल्यानंतर हे वर्ष संपताना गेल्या वर्षाच्या बजेटवर काथ्याकूट सुरू आहे. 41 कोटी रुपयांच्या शासकीय निधीवरून नगरसेवकांमध्ये वादावादी होईल यामुळे सभागृहाच्या परिसरातच खूप मोठा पोलिस बंदोबस्त लावण्यात आला होता. गोंधळातच मंजूर झालेले हे गेल्या वर्षीचे बजेट आणि त्यात सभागृहातील गोंधळ पहा येस न्यूज मराठी वर…
