सोलापूर – २८ फेब्रुवारी २०२५ अंजेलवनच्या सीएसआर निधीतून राह फाउंडेशनच्या अंतर्गत सेवा फाउंडेशन, सोलापूर सेंटरच्या वतीने ६वी, ७वी आणि ८वी बॅचच्या विद्यार्थ्यांसाठी भव्य प्रमाणपत्र वितरण समारंभ व नोकरी मेळाव्याचे आयोजन समाज कल्याण हॉल, रंगभवन येथे करण्यात आले.
सकाळी १० ते दुपारी २ या वेळेत पार पडलेल्या या कार्यक्रमात विद्यार्थ्यांना कौशल्य विकास प्रशिक्षण आणि रोजगाराच्या संधी उपलब्ध करून देण्याचा मुख्य उद्देश होता.
समर्थ कौशल्य विकास कार्यक्रमांतर्गत युवकांना संगणक ज्ञान, संवाद कौशल्ये आणि रोजगारक्षमतेसाठी आवश्यक प्रशिक्षण देण्यात आले. या उपक्रमाचा उद्देश विद्यार्थ्यांचा सर्वांगीण विकास साधून त्यांना उज्वल भविष्याची दिशा देणे हा होता. प्रमाणपत्र वितरण समारंभात मुख्य अतिथी मा.भरतकुमार मोरे यांच्या हस्ते विद्यार्थ्यांना प्रमाणपत्रे प्रदान करण्यात आली. यावेळी अंजेलवन कंपनीच्या योगदानाबद्दल विशेष आभार मानण्यात आले.
या नोकरी मेळाव्यात सोलापूर शहरातील प्रतिष्ठित कंपन्यांनी सहभाग घेतला. त्यामध्ये ग्रे नाईट, सनसूर सृष्टी एंटरप्रायजेस आणि ओला इलेक्ट्रिक वेहिकल्स या प्रमुख कंपन्यांचा समावेश होता.यामध्ये विद्यार्थ्यांना प्रत्यक्ष मुलाखतीच्या संधी देण्यात आल्या.
कार्यक्रमाच्या आयोजनात राह फाउंडेशनचे शुभम खरात (सिनियर मॅनेजर, स्किल डेव्हलपमेंट), अश्विन साखरे, तसेच सेवा फाउंडेशनचे विवेक यांनी महत्त्वाची भूमिका बजावली . कार्यक्रमाची सुरुवात मनीषा वाघमारे पांच्या प्रास्तावनेने झाली, तर संपूर्ण सूत्रसंचालन मानसी गायकवाड यांनी केले. कार्यक्रमाच्या शेवटी शीतल कांबळे यांनी उपस्थितांचे आभार मानले.
राह फाउंडेशनने अंजेलवनच्या सहकार्याने रोजगाराची नवी दिशा उघडून दिली आहे. शिक्षण आणि रोजगार यामधील अंतर कमी करण्याच्या उद्देशाने राबविलेल्या या उपक्रमामुळे युवकांना करिअरसाठी महत्वाच्या संधी उपलब्ध झाल्या. मुख्य अतिथी भरतकुमार मोरे यांनी विद्यार्थ्यांना प्रेरणादायी मार्गदर्शन करताना अंजेलवन कंपनीच्या मदतीने सोलापूर सेंटर उभारण्यात आल्याचे आणि त्यामुळे अनेक विद्यार्थ्यांना लाभ झाल्याचे सांगितले.
राह फाउंडेशनचे शुभम खरात यांनी विद्यार्थ्यांना आत्मविश्लेषण करून योग्य करिअर निवडीचे आवाहन केले आणि त्यांना शुभेच्छा दिल्या. निखिल यांनी ग्रे नाईट कंपनीविषयी माहिती देऊन संवाद कौशल्ये आणि मायक्रोसॉफ्ट एक्सेलसारख्या तांत्रिक कौशल्यांच्या गरजेवर भर दिला. सनसूर सुष्टी खादी ग्रामोद्योगचे अब्बास यांनी आपल्या कंपनीविषयी माहिती देत विद्यार्थ्यांना मुलाखतीसाठी संधी दिली. तसेच, ओता इलेक्ट्रिक व्हेईकल्स शोरूमचे आदित्य यांनीही आपल्या कंपनीविषयी माहिती देत रोजगाराच्या संधी उपलब्ध करून दिल्या.
या कार्यक्रमाला एकूण ६५ विद्यार्थी उपस्थित होते, त्यापैकी ४७ विद्यार्थ्यांची निवडपूर्व यादीत नोंद झाली , आणि ३२ विद्यार्थ्यांना नोकरीची संधी मिळाली. अंजेलवनच्या सहकायनि हा उपक्रम यशस्वीपणे राबविण्यात आला.
