मुंबई: राज्यात शाळा सोमवारपासून सुरू होणार आहेत. परंतु, शाळा सुरू होत असले, तरी पालकांनी विद्यार्थ्यांना शाळेत पाठवणे बंधनकारक नाही. सध्याच्या परिस्थितीनुसार ज्यांना योग्य वाटत आहे. त्या पालकांनी विद्यार्थ्यांना शाळेत पाठवावे. ज्यांना वाटते रिस्क घेऊ नये, त्यांनी घेऊ नये. आजपासून शाळा सुरू होत असले तरी पुढची पावले कशी टाकायची हे शाळा आणि पालकांनी ठरवायचे आहे, असे मत पर्यावरण मंत्री आदित्य ठाकरे यांनी यावेळी व्यक्त केला आहे.
कोरोना महामारीच्या काळात तब्बल ७०० दिवस शाळा बंद होते. यामुळे ज्या जिल्ह्यामध्ये कोरोनाचा धोका कमी झाला आहे, अशा जिल्ह्यांमध्ये शाळा सुरू करण्याचा निर्णय घेतल्याचे आदित्य ठाकरे यांनी यावेळी सांगितले आहे. आज राज्यसेवा पूर्वपरीक्षेच्या प्रश्नसंचाचे एक सील नियमबाह्य पद्धतीने नागपुरात एका परीक्षा केंद्रावर फोडण्यात आल्याचा आरोप देखील अखिल भारतीय विद्यार्थी परिषदेने केला आहे.
यावर बोलताना आदित्य ठाकरे म्हणाले की, मी या प्रकरणाची माहिती घेत आहे. जर या प्रकरणात काय चूक असेल तर योग्य कारवाई करण्यात येणार आहे. मुख्यमंत्री (CM) उद्धव ठाकरे यांच्या प्रकृतीवरून विरोधकांकडून सतत टीका होत असतात. यावर बोलत असताना आपण विरोधाकांकडे लक्ष न देता काम करत राहावे. जनता मुख्यमंत्र्याबरोबर आणि आमच्या बरोबर ठामपणे उभी आहे. मुख्यमंत्र्यांची तब्येत एकदम ठीक आहे.
