सोलापूर : दरवर्षी प्रमाणे यंदाही सोलापुरातील अशोक चौकातील श्री संत तुकाराम महाराज मंदिरामध्ये ३७५वा तुकाराम बीज सोहळा साजरी करण्यात आला. यंदाचे हे ९० वर्ष होते. त्यानिमित्त गुरुवारी ह.भ.प.विष्णू महाराज मोरे यांचे सकाळी १० ते १२ वेळेत गुलालाचे कीर्तन व पुष्पवृष्टी होऊन महाप्रसादाचे वाटप करण्यात आले.
तुकाराम महाराज बीज सोहळा निमित्त जगद्गुरु तुकाराम महाराज मंदिर न्यू पाच्छा या ठिकाणी अखंड हरिनाम सप्ताहाचे आयोजन करण्यात आले होते. 2 मार्चपासून 9 मार्चपर्यंत हा सप्ताह करण्यात आला. यामध्ये रोज विविध महाराज मंडळींची कीर्तन तसेच भजनी मंडळांचा हरी जागर संपन्न झाला. 9 मार्च रोजी सायंकाळी भगवंत महाराज मोरे यांच्या काल्याच्या कीर्तनाने या सप्ताहाची सांगता झाली.
या सोहळ्यामध्ये ह भ प चैतन्य महाराज मोरे, निवृत्ती महाराज मोरे, उत्तम मोरे, प्रभाकर मोरे, अजिंक्य मोरे, विकी सूर्यवंशी, किशोर मोरे, भाऊ मोरे, ज्ञानेश्वर कुलकर्णी, विठ्ठल कुलकर्णी, योगेश मोरे, उदय मोरे तसेच अखिल भाविक वारकरी मंडळ यांचे सहकार्य लाभले.
