सोलापूर दि. 23 (जिमाका):राज्य व केंद्र शासनाच्या एमएसएमई संदर्भातील विविध योजना, उपक्रम व धोरणांची माहिती उद्योजकांना एकाच व्यासपीठावर उपलब्ध करून देण्याच्या उद्देशाने ‘Ignite Maharashtra 2026’ ही एकदिवसीय कार्यशाळा आयोजित करण्यात आली आहे.
ही कार्यशाळा दि. 24 फेब्रुवारी 2026 रोजी सकाळी 9.00 ते दुपारी 4.00 या वेळेत दि इंडस्ट्रियल को-ऑप. इस्टेट सोसायटी लि., होटगी रोड, सोलापूर येथे पार पडणार आहे.
सदर कार्यशाळा मा. श्री. जयकुमार गोरे, पालकमंत्री सोलापूर तथा ग्रामीण विकास व पंचायत राज मंत्री, महाराष्ट्र राज्य यांच्या अध्यक्षतेखाली होणार असून, यामध्ये Apparel Export Promotion Council (AEPC), Small Industries Development Bank of India (SIDBI), IDBI Capital Markets & Securities Ltd., The New India Assurance Company Limited तसेच India Post यांचे प्रतिनिधी उपस्थित राहून मार्गदर्शन करणार आहेत.
नवउद्योजक, निर्यातदार उद्योजक, स्टार्टअप्स तसेच शेतकरी उत्पादक कंपनीचे संचालक यांनी या कार्यशाळेस उपस्थित राहून विविध शासकीय योजनांची माहिती घ्यावी, असे आवाहन महाव्यवस्थापक, जिल्हा उद्योग केंद्र, सोलापूर यांनी केले आहे.
