हॉटेल व्यावसायिक ‘गॅसवर’.. एमआयडीसीतील अनेक उद्योग बंद ठेवावे लागणार ?

गेल्या बारा दिवसापासून अमेरिका इजराइल आणि इराण यांच्यातील युद्धाचा फटका आता तळागाळापर्यंत बसू लागला आहे. घरगुती ग्राहकांना 25 दिवसाच्या वेटिंग पिरियड नंतर गॅस मिळणार आहे. सोलापुरातील हॉटेल व्यवसायिकां साठी लागणारे सुमारे दहा हजार 800 गॅस कनेक्शनचे बुकिंग बंद केले आहे. त्यामुळे आता अनेक हॉटेल बंद पडण्याच्या मार्गावर आहेत.सोलापूरच्या एमआयडीसीमध्ये गॅसची टंचाई भासू लागल्यामुळे गॅसवर आधारित असलेले अनेक उद्योग बंद ठेवावे लागणार आहेत. एमआयडीसी तसेच हॉटेल मधील कामगारांना याचा फटका बसणार असून मोठ्या प्रमाणावर उत्पादन ठप्प होणार आहे. एमआयडीसीसाठी दररोज दहा मॅट्रिक टन गॅस लागतो. सोलापुरातील सर्वात मोठी अशा प्रिसिजन कॅमशाफ्टला 4 टन गॅसची दररोज गरज आहे. दोन दिवसानंतर काय परिस्थिती होईल हे सांगू शकत नाही असे प्रिसिजन कॅम्प शाफ्ट चे चेअरमन यतीन शहा म्हणाले. त्यामुळे आता युद्ध आणखीच लांबले तर अभूतपूर्व परिस्थिती निर्माण होईल असा अंदाज आहे.