श्रीनगर : जम्मू-काश्मीरच्या किश्तवाडमध्ये गुरूवारी दहशतवाद्यांच्या एन्काऊंटरमध्ये महाराष्ट्राचा जवान शहीद झाला आहे. संदीप गायकर असं या जवानाचं नाव आहे.
12 वर्ष 4 महिने आणि 25 दिवसांपूर्वी संदीप गायकर लष्करामध्ये भरती झाला होता, तसंच 9 महिन्यांपूर्वी संदीप मराठा आरआर बटालियनमध्ये सामील झाला होता. काही महिन्यांपूर्वीच संदीपचं लग्न झालं होतं. किश्तवाडमधील चकमक अजून सुरू असून लष्कर आणि पोलीस अधिकारी घटनास्थळी पोहोचले आहेत.
जम्मू-काश्मीरच्या किश्तवाडमध्ये गुरूवारी सकाळी ‘ऑपरेशन त्राशी’ सुरू झालं, यामध्ये लष्कर आणि पोलिसांनी आतापर्यंत दोन दहशतवाद्यांना कंठस्नान घातलं आहे. हे एन्काऊंटर किश्तवाडच्या सिंघपोरा छत्रू भागात सुरू आहे, जिकडे लष्कराने दहशतवाद्यांच्या एका ग्रुपला घेरलं आहे.
