सोलापूर : मुख्य आयुक्त वस्तू व सेवा कर कार्यालय तर्फे पुणे विभागात सोलापूर केंद्रीय वस्तू व सेवाकर विभागाचे अधिक्षक हर्षदीप प्रयाग यांची निवड करण्यात आली आहे. हर्षदीप प्रयाग यांनी 2022-23 या वर्षात पंढरपूर कार्यालय आणि सोलापूर मधील अतिरिक्त कार्यभार असे दोन्ही विभागात करवसुलीचे उत्कृष्ट कार्य केले आहे. त्यामुळे त्यांचा गौरव करण्यात येणार आहे.
हर्षदीप प्रयाग मूळचे तुळजापूर येथील असून 1993 साला पासून त्यांनी गेल्या 30 वर्षात कार्यालयातील अनेक जबाबदाऱ्या सांभाळत तसेच क्रिकेट मध्ये पुणे विभागाचे प्रतिनिधीत्व केले आहे. अतिशय अभ्यासू आणि प्रामाणिक अधिकारी अशी त्याची ओळख आहे. त्यांच्या या यशामुळे दिलीप गोयल आयुक्त पुणे, वैशाली पतंगे अति. आयुक्त पुणे व रविकिरण सहायक आयुक्त सोलापूर यांनी त्यांचे अभिनंदन केले तसेच व्यापारी व सर्व अधिकारी वर्गातून त्यांचे कौतुक करण्यात येत आहे.
