सोलापूर – यंदाच्या अधिक मासानिमित्त अक्कलकोट येथील श्री वटवृक्ष स्वामी महाराज मंदिरात श्रीमद् भागवत कथेचे आयोजन करण्यात आले आहे. दिनांक १८ जुलै ते २० जुलै २०२३ अखेर सोलापूरचे सुप्रसिद्ध वारकरी संप्रदाय कथाकार ह.भ.प.सुधाकर इंगळे महाराज याप्रसंगी श्रीमद् भागवत कथेचे निरूपण करणार आहेत. देवस्थानच्या ज्योतिबा मंडपात सदरील कालावधीतील तीन दिवस दुपारी ४ ते सायंकाळी ७ या वेळेत ही कथा संपन्न होणार आहे. तरी भाविकांनी श्रीमद् भागवत कथा श्रावणाचा लाभ घ्यावा असे आवाहन मंदिर समितीचे अध्यक्ष महेश इंगळे यांनी केले आहे.
