येस न्युज मराठी नेटवर्क : ‘श्री सद्गुरू प्रभाकर स्वामी महाराज की जय, जय जय रघुवीर समर्थ’ च्या जयघोषात सोमवारी श्री सद्गुरू प्रभाकर स्वामी महाराज पुण्यतिथीनिमित्त गुलाल कार्यक्रम भक्तिमय वातावरणात झाला. यावेळी श्री प्रभाकर स्वामी महाराज मंदिरात भाविकांची दर्शनासाठी प्रचंड गर्दी झाली होती.मंदिरात गुलालाचा कार्यक्रम भक्तिमय वातावरणात झाला. दर्शनासाठी, नामजपासाठी भाविकांची मंदिरात मोठी गर्दी झाली होती.
श्री सद्गुरू प्रभाकर स्वामी महाराज यांच्या पुण्यतिथीनिमित्त सुरु असलेल्या अखंड नामजप सप्ताह, श्री गुरुगीता पारायणाची समाप्ती झाली. भक्तांच्या कल्याणासाठी अभिषेक आणि तर्पण विधी ट्रस्टी उदय वैद्य यांच्या हस्ते करण्यात आला. तसेच महानैवेद्य, महाआरती करण्यात आली.
सायंकाळी गायक ज्ञानेश्वर वाघमारे यांचा भजनसंध्या कार्यक्रम झाला. गायक ज्ञानेश्वर वाघमारे यांनी सुरेल गीते आणि भजने सादर केली. यानंतर प्रकाश कोथिंबीरे आणि दत्तात्रय कुसेकर यांच्या अधिपत्याखाली सांप्रदायिक भजन झाले.
यावेळी सद्गुरू प्रभाकर स्वामी महाराज मंदिर ट्रस्टचे चीफ ट्रस्टी दत्तात्रय देशमुख, मॅनेजिंग ट्रस्टी बाळकृष्ण शिंगाडे, ट्रस्टी उदय वैद्य वसंत बंडगर, ट्रस्टी सदस्य वामन वाघचौरे, मोहन बोड्डू, रवी गुंड, सम्राट राऊत, रमेश देशमुख, रामभाऊ कटकधोंड, प्रभाकर कुलकर्णी, सुभाष बद्दूरकर, प्रकाश कोथिंबीरे, व्यवस्थापक निरंजन दंतकाळे आदी उपस्थित होते.
