विद्यापीठाच्या विकासाची दिली राज्यपालांना माहिती
मुंबई – पुण्यश्लोक अहिल्यादेवी होळकर सोलापूर विद्यापीठाच्या कुलगुरू डॉ. मृणालिनी फडणवीस यांनी मंगळवारी राजभवन येथे जाऊन राज्याचे महामहिम राज्यपाल रमेश बैस यांची भेट घेतली.यावेळी कुलगुरू डॉ. फडणवीस यांनी विद्यापीठाच्या विकासाची माहिती राज्यपाल बैस यांना दिली.
राज्याच्या राज्यपालपदी रमेश बैस हे विराजमान झाल्यानंतर कुलगुरू डॉ. फडणवीस यांनी प्रथमच राजभवन येथे भेट देऊन त्यांचा सत्कार केला. यावेळी राज्यपाल बैस यांना कुलगुरू डॉ. फडणवीस यांनी विद्यापीठाच्या विकासाची माहिती देताना कौशल्य विकासाच्या अभ्यासक्रमांची माहिती, ‘एमएसएफडीए’ प्रशिक्षण कार्यक्रमाची माहिती, नव संशोधन याविषयी माहिती दिली. त्याचबरोबर विद्यापीठाची संपूर्ण माहिती असलेली ‘कॉफी टेबल बुक’ देखील त्यांना दिली. राज्यपाल बैस यांनी माहिती घेतल्यानंतर विद्यापीठ चांगली प्रगती करत असल्याचे गौरवोद्गार काढले. विद्यापीठ पाहण्यासाठी सोलापूरला नक्की भेट देणार असल्याचे त्यांनी यावेळी सांगितले.
