येस न्युज मराठी नेटवर्क : कोरोनाचे वाढते संकट आणि यातच आलेल्या नववर्षाचा गुढीपाडवा सण यानिमित्तानं वेगळा संदेश देण्यासाठी सोलापुरात मास्कची गुढी उभारण्यात आली आहे. महाराष्ट्र राज्य शिखर बँकेचे माजी संचालक अविनाश महागावकर यांनी आपल्या पाथरूट चौका शेजारील विद्यानगर सोसायटी मध्ये असलेल्या वाड्यासमोर अशी ही गुढी उभा केली आहे. आपल्या गुढीला त्यांनी साखरेचा हार घालण्याऐवजी मास्कचा हार घातला आहे. लाकडी बैलगाडी..जुन्या स्टाईलमध्ये वाड्याच्या रूपात सजवलेले घर.. सोबतीला नारळाचे झाड त्यामुळे महागावकर यांचा हा वाड्याच्या रूपातील बंगला न्याराच दिसत आहे. गुढीपाडव्यानिमित्त या सर्वच बाबींना नव्याने उजाळा मिळाला यावेळी त्यांच्या पत्नी कवियत्री रेणुका महागावकर,मिहिर महागावकर,सुर्ष्टी ताटे उपस्थित होते
