सोलापूर : कस्टमर केअरला फोन करण्यास सांगून मोबाईल वरील ओटीपीची विचारणा करून ५० हजार रुपयांना फसवल्याची फिर्याद बसवराज कोनापुरे या ७३ वर्षांच्या वृद्धाने विजापूर नाका पोलीस ठाण्यात केली आहे. २० जून रोजी सकाळी ११ वाजता कोल्हापुरे यांच्या मोबाईलवर हा प्रकार घडला असून कोनापूरे हे आयटीआय पोलीस चौकी समोरील सुविद्या नगर येथील रहिवासी आहेत.
सिम कार्डचे कागदपत्र पेंडिंग आहे , कस्टमर केअर ला कॉल करा असे सांगून दहा रुपयांचा रिचार्ज करण्यास सांगितले. त्यानंतर मोबाईल वर आलेला ओटीपी विचारला तसेच त्यानंतर चार वेळा आलेले ओटीपी फोन वर विचारून ५० हजार रुपयांची फसवणूक करण्यात आली. मोबाईलवर चार वेळा पेटीएम नोएडा येथे खरेदी केल्याचे मेसेज आल्याचेही फिर्यादीत म्हटले आहे. याप्रकरणी सहायक फौजदार वाल्मीकि अधिक तपास करीत आहेत.