सोलापूर : साऊंड सिस्टिम व डेकोरेशनच्या बिझनेस साठी माहेरून पाच लाख रुपये घेऊन ये म्हणून विवाहितेला मारहाण करून जीवे मारण्याची धमकी दिल्याची घटना दि.३० जुलै २०२० ते आजतागायत घडली.याप्रकरणी स्वाती प्रवीण अलझेंडे (वय-२५,रा.न्यू जगजीवनराम नगर,मोदी सोलापूर) यांनी सदर बाजार पोलिस ठाण्यात फिर्याद दाखल केली आहे.त्यांच्या फिर्यादीवरून पती किशोर अलझेंडे,लक्ष्मी किशोर अलझेंडे,किशोर नागप्‍पा अलझेंडे,शुभांगी किशोर अलझेंडे (सर्व रा.विठ्ठल मंदिर,क्रिश अपार्टमेंट,अंबरनाथ,ठाणे) यांच्याविरुद्ध गुन्हा दाखल करण्यात आला आहे.
याबाबत अधिक माहिती अशी की,फिर्यादी स्वाती यांचा विवाह दि. ३० जुलै २०२० रोजी प्रवीण अलझेंडे यांच्यासोबत झाला होता.लग्नानंतर पहिल्या दिवसापासून वरील आरोपींनी मिळून माहेरून सोने आणि पैसे बिझनेससाठी आणि म्हणून त्रास देऊन फिर्यादीचा शारीरिक व मानसिक छळ केला.त्यानंतर सासरकडील मंडळींनी फिर्यादी स्वाती यांना साऊंड सिस्टिम व डेकोरेशनच्या बिझनेस साठी माहेरून पाच लाख रुपये घेऊन ये म्हणून मागणी केली होती.जर माहेरून पैसे आणले नाही तर तुझा जीव मारेल अशी धमकी देऊन,फिर्यादीला प्रवीण याने नेहमी किरकोळ कारणावरून भांडण काढून हाताने मारहाण करून शारीरिक व मानसिक त्रास दिला.असे फिर्यादीत म्हटले आहे.या घटनेची नोंद सदर बाजार पोलिस ठाण्यात झाली असून,या घटनेचा पुढील तपास पोलीस निरीक्षक हे करीत आहेत.
