सोलापूर : सोशल असोसिएशनच्या उर्दू प्राथमिक शाळेत असिफ इक्बाल अब्दुल सत्तार शेख हे शाळेतील कामकाज करीत असताना सद्दाम जाकीर नाईकवाडी यांनी पट्ट्याने मारहाण केल्याची फिर्याद करण्यात आली आहे. नाईकवाडी यांनी ढकलून दिल्याने टेबलावरची फुटलेली काच डाव्या हाताला लागल्याचेही तक्रारीत नमूद करण्यात आले आहे. सरकारी कामात अडथळा केला आणि आसिफ शेख यांना पट्ट्याने मारहाण केली म्हणून सद्दाम नाईकवाडी याच्याविरुद्ध जेलरोड पोलिस ठाण्यात गुन्हा दाखल करण्यात आला आहे. या प्रकरणी पोलीस सब इन्स्पेक्टर करंडे अधिक तपास करीत आहेत.
