येस न्युज मराठी नेटवर्क ; सोलापूर जिल्हा शिवसेना संपर्कमंत्री तथा महाराष्ट्र राज्याचे गृह, वित्त, नियोजन, राज्य उत्पादन शुल्क, कौशल्य विकास, उद्योजकता व पणन खात्याचे राज्यमंत्री शंभुराजे देसाई यांनी आज आगामी ग्रामपंचायत निवडणुकांच्या अनुषंगाने आढावा घेतला व शिवसेना पदाधिकाऱ्यांना मार्गदर्शन केले. यावेळी शिवसेना जिल्हाप्रमुख पुरुषोत्तम बरडे , गणेश वानकर, धनंजय डिकोळे, संभाजी शिंदे, विरोधी पक्षनेते महेश कोठे, शहरप्रमुख गुरुशांत धुत्तरगांवकर, उपजिल्हाप्रमुख प्रताप चव्हाण, अमर पाटील, भिमाशंकर म्हेत्रे, संतोष पाटील, महिला आघाडीच्या अस्मिता गायकवाड, शैला गोडसे आदींसह शिवसेनेचे तालुकाप्रमुख, उपशहप्रमुख, विभागप्रमुख, युवासेना व विद्यार्थी सेनेचे पदाधिकारी मोठ्या संख्येने उपस्थित होते.
गावोगावच्या ग्रामपंचायतींवर भगवा फडकवण्यासाठी सर्वांनी प्रयत्न करावेत असे आवाहन शंभूराजे देसाई यांनी केले. याप्रसंगी महानगरपालिकेच्या कामगार व समाजकल्याण समितीच्या सभापतीपदी निवड झाल्याबद्दल नगरसेवक उमेश दादा गायकवाड यांचा नामदार शंभुराजे देसाई यांच्या हस्ते सत्कार करण्यात आला. या कार्यक्रमाचे सूत्रसंचालन विजय पुकाळे यांनी केले.
