सोलापूर: महाराष्ट्रात जातीजातीत कोण भांडणे लावते? रिपाईचे तुकडे तुकडे कोणी केले? बी के कोकणे यांच्या पाठीत खंजीर कोणी खुपसला ? धनगर समाजाला एसटीमध्ये आरक्षण देण्याचे असताना एनटीमध्ये कोणी दिले ? महाराष्ट्रात तो लांडगा असून त्याचे नाव राज्यातील सर्व लोकांना माहित असून आमचा सर्वसामान्य मेंढरांना काही त्या लांडग्याचे नाव सांगेल अशा शब्दात आज गोपीचंद पडळकर यांनी शरद पवार यांचे नाव न घेता निशाणा साधला. धनगर जागर यात्रेसाठी आज पडळकर हे माळशिरस तालुक्यातील विझोरी येथे आले असता होते . धनगर जागर यात्रेची आज सकाळी 10 वाजता विझोरी येथे सभा होती मात्र सकाळची वेळ असूनही मोठ्या संख्येने धनगर समाजाने या यात्रेला हजेरी लावली होती .
