पाठ्यपुस्तक वाटप , दहावी परीक्षेतील गुणवंत विद्यार्थ्यांचा सत्कार कार्यक्रम संपन्न
श्री तोगटवीर शिक्षण प्रसारक मंडळ संचलित, कै. आयप्पा हणमय्या आब्बा प्राथमिक विद्यालय व श्री चौडेश्वरी प्रशाला यांच्या संयुक्त विद्यमाने नवोगत विद्यार्थी प्रवेशोत्सव, समग्र शिक्षा अभियान अंतर्गत मोफत पाठ्यपुस्तक वितरण, मोफत गणवेश व शैक्षणिक साहित्य वाटप कार्यक्रम संपन्न झाला.
प्रारंभी इयत्ता पहिली व आठवीच्या विद्यार्थ्यांचे औक्षण करून वाद्यांच्या गजरात, मुख्याध्यापिका विद्या शिंपी व सविता यरझल यांच्या शुभहस्ते पुष्पवर्षाव करून स्वागत करण्यात आले.
श्री तोगटवीर शिक्षण प्रसारक मंडळाचे अध्यक्ष सुभाष चिलवेरी यांच्या अध्यक्षतेखाली, प्रमुख पाहुणे उद्योगपती व्यंकटेश ईट्टम व अर्थ सल्लागार विकास वंकीट तसेच प्रमुख अतिथी म्हणून श्री तोगटवीर क्षत्रिय समाजाचे अध्यक्ष आनंदराव बडगंची यांच्या शुभहस्ते प्रतिमा पूजन व दीप प्रज्वलन करून समग्र शिक्षा अभियान अंतर्गत मोफत पाठ्यपुस्तक तसेच चौडेश्वरी पुस्तक पेढी मार्फत इ . 9 वी व दहावीच्या सर्व विद्यार्थ्यांना पाठयपुस्तक वाटप कार्यक्रम करण्यात आले. सर्व मान्यवर अतिथींचे स्वागत शिक्षिका प्रतिभा कंदी यांनी स्वागतगीताने केले.उद्योगपती श्री व्यंकटेश ईट्टम यांच्याकडून होतकरू व गरजू 34 विद्यार्थ्यांना शैक्षणिक साहित्याचे वाटप करण्यात आले. अर्थ सल्लागार विकास वंकीट यांच्याकडून इयत्ता आठवीच्या सर्व विद्यार्थ्यांना गणवेश वाटप करण्यात आले.
कै. आ. ह. आब्बा प्राथमिक विद्यालयाच्या शिक्षकांकडून इयत्ता पहिलीच्या सर्व विद्यार्थ्यांना मोफत गणवेश वाटप करण्यात आले. तसेच उपस्थित मान्यवरांच्या शुभहस्ते राज्यस्तरीय प्रज्ञाशोध परीक्षेत प्राविण्य मिळवलेले विद्यार्थी व तसेच माध्यमिक शालांत परीक्षेतील गुणवंत विद्यार्थ्यांचे संस्था , शाळा तसेच विषय शिक्षकांकडून अभिनंदन करण्यात आले. व तसेच सवि विद्यार्थ्यांना खाऊ वाटप करण्यात आले.
याप्रसंगी शिक्षण संस्थेचे उपाध्यक्ष अमर उदगीरी. सचिव श्रीधर चिंता, खजिनदार विलास चिंता, विलास बडगंची,व्यंकटेश रंगम, संतोष पुरुड, नागेश अकिम, विनायक मादम, प्राथमिक विभागाच्या मुख्याध्यापिका विद्या शिंपी, प्रशालेच्या मुख्याध्यापिका सविता यरझल, विद्यार्थी, पालक उपस्थित होते.
कार्यक्रम यशस्वी करण्यासाठी सर्व शिक्षक वृंदांनी परिश्रम घेतले.कार्यक्रमाचे सूत्रसंचालन दिलीप फडतरे व आभार रश्मी तरोटे यांनी मानले.
