सोलापूर : संभाजीराव शिंदे विद्यामंदिर प्राथमिक शाळेत नवीन शैक्षणिक वर्षात सर्व विद्यार्थ्यांचे मोठ्या उत्साहात स्वागत करण्यात आले.प्रारंभी मुख्याध्यापिका राजश्री नारायणकर, शाळा व्यवस्थापन समितीचे पदाधिकारी तसेच पालक शिक्षक संघाचे पदाधिकारी यांच्या हस्ते संस्थेचे संस्थापक स्वर्गीय विष्णुपंत तात्यासाहेब कोठे व सरस्वतीच्या प्रतिमांचे पूजन करण्यात आले.तसेच मान्यवरांच्या हस्ते विद्यार्थ्यांना पाठ्यपुस्तकांचे वाटप करण्यात आले.
विद्यार्थ्यांचे औक्षण करून त्यांना गुलाब पुष्प व गोड खाऊ देण्यात आले. प्रारंभी मुख्याध्यापिका राजश्री नारायणकर यांनी विद्यार्थ्यांचे स्वागतपर प्रास्ताविक केले. शाळेच्या वतीने विद्यार्थ्यांच्या स्वागतासाठी मिकी माऊस आणि डोरेमॉन लक्ष वेधून घेत होते. कार्यक्रमाचे सूत्रसंचालन स्वाती जाधव यांनी केले. हा कार्यक्रम यशस्वी करण्यासाठी मुख्याध्यापिका,सर्व शिक्षक शिक्षकेतर कर्मचाऱ्यांनी परिश्रम घेतले.
