राज्यात सुरु असलेल्या राजकीय घडमोडींविरोधात महाराष्ट्र नवनिर्माण सेनेने उपक्रम हाती घेतला आहे. मनसेतर्फे ठिकठिकाणी एक सही संतापाची ही मोहीम राबवली जात आहे. सोलापुरातल्या डॉ. बाबासाहेब आंबेडकर चौकात देखील आज सकाळी या उपक्रमाची सुरुवात करण्यात आली. भर चौकामध्ये मोठे फलक लावून त्यावर राजकारणाचा चिखल झालाय का? माझ्या मताला किंमत नाही का? मतदानाला गृहित धरणार का? अशा पद्धतीचे सवाल उपस्थित करण्यात आले आहेत. नागरिक देखील या फलकावर सही करुन चाललेल्या राजकीय नाट्यविरोधात आपला संताप व्यक्त करत आहेत.
