सोलापूर : दक्षिण सोलापूर तालुक्यातील नूतन सरपंच व उपसरपंच यांचा आज सोलापूर जिल्हा शिवसेनेच्या वतीने सत्कार करण्यात आला. उपजिल्हाप्रमुख व जिल्हा परिषद सदस्य अमर रतिकांत पाटील व तालुकाप्रमुख योगीराज पाटील यांनी हा सत्कार सोहळा आयोजित केला होता. शिवसेना जिल्हाप्रमुख पुरुषोत्तम बरडे यांच्या हस्ते हा सत्कार सोहळा संपन्न झाला. यावेळी महिला आघाडी जिल्हा संघटिका आस्मिता गायकवाड, शहरप्रमुख गुरुशांत धुत्तरगांवकर, उपजिल्हाप्रमुख भीमाशंकर म्हेत्रे, शंकर चौगुले, महेश धाराशिवकर, भाक्ती जाधव, निरंजन बोध्दुल, धर्मराज बगले सागर तांबोळकर आदींची प्रमुख उपस्थिती होती. तालुक्याच्या इतिहासात पहिल्यांदा एवढे मोठे घवघवीत यश शिवसेनेला मिळाले आहे. २२८ सदस्य शिवसेनेचे निवडून आले असून २२ गावच्या सरपंच व उपसरपंचपदी शिवसैनिकांची वर्णी लागली आहे. राज्यातील सर्वात युवा सरपंच होण्याचा बहुमान तालुक्यातील अंत्रोळी गावच्या २१ वर्षीय कोमल करपे यांनी पटकाविला आहे.
