सोलापूर शहरात ७२ नवीन व्यक्तींना कोरोना

सात मृतांपैकी ५ जण ५० वर्षाखालील

येस न्युज मराठी नेटवर्क ; सोलापूर शहराचा 18 मे रोजीचा कोरोनाचा अहवाल प्राप्त झाला आहे. सोमवारी रात्री १२ वाजेपर्यंत संपलेल्या २४ तासात नव्याने ७२ व्यक्तींना कोरोनाची लागण झाली आहे. या कालावधीत रुग्णालयातून कोरोना मुक्त होऊन घरी परतलेल्यांची संख्या ५० आहे . या २४ तासात कोरोनामुळे सात जणांचा मृत्यू ओढवला असल्याचे अहवालात म्हटले आहे. शहरातील प्रभागनिहाय बाधित रुग्णांचा आढावा घेतला असता प्रभाग क्रमांक २३ मध्ये १०, प्रभाग क्रमांक २४ मध्ये ११, प्रभाग क्रमांक ५ मध्ये ८ आणि प्रभाग क्रमांक २६ मध्ये ७ नवीन व्यक्तींना कोरोनाची बाधा झाली आहे. कोरोनामुळे मृत्युमुखी पडलेल्या ७ जणांपैकी ५ जण ५० वर्षाखालील असल्यामुळे महापालिका प्रशासनाच्या चिंतेत वाढ झाली आहे.