येस न्युज मराठी नेटवर्क : पोलीस आयुक्तालयाने सोलापूर शहर हद्दीत चार मे रोजी केलेल्या कोरोना प्रतिबंधात्मक कारवाईमध्ये विना मास्क फिरणाऱ्या ४९९ व्यक्तींवर कारवाई करीत २,९९,५०० रुपयांचा दंड वसूल केला. कायद्याचे उल्लंघन करणाऱ्या आठ आस्थापनांकडून २१,००० रुपये दंड वसूल करण्यात आला. त्याचप्रमाणे मोटार वाहन कायद्यानुसार कारवाई करीत ६६,४०० रुपये दंड पोलिसांनी वसूल केला आहे. एका दिवसांमध्ये पोलिसांनी ३, ८६,९०० रुपये दंड वसूल केल्याचे आयुक्तालयाने प्रसिद्धीस दिलेल्या पत्रकात म्हटले आहे. विनाकारण घराबाहेर पडू नका , मास्क वापरा आणि गर्दीच्या ठिकाणी जाणे टाळा असे आवाहन पोलिस आयुक्त अंकुश शिंदे यांनी सोलापुरातील नागरिकांना केले आहे.
