सोलापूर : व्हील्स रोलर स्केटिंग क्लबच्यावतीने सोनी सिटी अपार्टमेंट, प्रतीक्षा बंगलो येथे भव्य जिल्हास्तरीय स्केटिंग स्पर्धेचे आयोजन केले होते. उद्घाटन सोलापूर जिल्हा सायकलिंग व रोल बॉल स्केटिंग असोसिएशनचे सचिव दिपक घंटे यांच्या हस्ते करण्यात आला. स्पर्धेची सुरुवात अनमोल चांदणे व उपस्थित मान्यवरांच्या हस्ते फित कापून करण्यात आली.
यामध्ये एकूण १५० स्पर्धकांनी उत्स्फूर्तपणे सहभाग नोंदविला होता. या स्पर्धेत सागर राठोड, तोष दूत, शुभम सर, मानशी मॅडम, सोनाली घंटे, मितेश काळे, युसुफ पिरजादे, अंकीता लकडे या सर्व स्केटिंग प्रशिक्षकांचे मार्गदर्शन लाभले. व या स्केटिंग स्पर्धेमध्ये विजयी झालेल्या सर्व स्पर्धकांचे मेडल व सर्टिफिकेट देऊन सन्मानित करण्यात आले व क्लब चे मुख्य प्रशिक्षक अनमोल साहेबराव चांदणे यांच्या नेतृत्वाखाली ही स्पर्धा पार पडली.
