सोलापूर : मुख्यमंत्री देवेंद्र फडणवीस हे आज सोलापूर दौऱ्यावर आले आहे. तुळजापूर आणि पंढरपूर या ठिकाणी विविध कामांचा आढावा ते घेणार आहे. सकाळी सोलापूर विमानतळावर त्यांचे आगमन झाल्यानंतर आमदार सचिन कल्याण शेट्टी आणि आमदार देवेंद्र कोठे यांनी त्यांचे स्वागत केले. या दोघांनीही सोलापूरच्या विमानसेवेचा प्रश्न मुख्यमंत्र्यांसमोर मांडला. मुख्यमंत्री म्हणाले डीजीसीए कडून 72 आसन क्षमतेच्या विमानसेवेचा परवाना मिळाला आहे. फ्लाय नाईन्टी वन ही कंपनी सोलापूर गोवा सोलापूर मुंबई या ठिकाणी सेवा देणार आहे. मुंबईसाठी देखील स्टार एयर ही कंपनी सेवा देण्यासाठी इच्छुक आहे. त्यामुळे लवकरात लवकर सोलापूरची विमान सेवा सुरू करण्यासाठी प्रयत्न करू असा शब्द मुख्यमंत्री देवेंद्र फडणवीस यांनी आमदार सचिन कल्याण शेट्टी आणि आमदार देवेंद्र कोठे यांना यावेळी दिला. सोलापूर शहरात समान पाणीपुरवठा व्हावा या संदर्भात देखील देवेंद्र कोठे यांनी मुख्यमंत्र्यांकडे मागणी करून प्रशासनाला तशा सूचना देण्याची विनंती केली. त्यामुळे हे दोन्ही आमदार चांगला पाठपुरावा करू लागल्यामुळे आता सोलापूरची विमान सेवा लवकरच सुरू होईल अशी आशा आहे.
