येस न्युज मराठी नेटवर्क : सोलापुरात शुक्रवारी ढगाळ हवामान आणि बोचरे वारे यामुळे रथसप्तमी या दिवशी सूर्यनारायणाचे दर्शन सूर्योदयानंतर तब्बल दोन तासानंतर झाले. शुक्रवारी सकाळी आठच्या सुमारास सिद्धेश्वर मंदिर परिसरातील भटक्या लोकांनी पुठ्ठे, कागद गोळा करून शेकोटी पेटवल्याचे दिसून आले . सकाळी उशिरापर्यंत झोंबरे वारे आणि वाढलेली थंडी यामुळे पदपथांवर आणि सिद्धेश्वर मंदिर परिसरात राहणाऱ्या लोकांना थंडीचा मारा सहन करावा लागला. या लोकांनी पेटवलेली शेकोटी सकाळी आठ वाजता धुमसत होती.
