सोलापूर : बोधिसत्व डॉ. बाबासाहेब आंबेडकर जयंती उत्सव मध्यवर्ती महामंडळाची बैठक रविवार दि. मार्च 2025 रोजी सायंकाळी 5 वाजता डॉ. आंबेडकर पुतळ्याच्या शेजारील जागेत ,नार्थकोट मैदान शेजारी आयोजित करण्यात आली आहे, अशी माहिती उत्सव अध्यक्ष सागर उबाळे यांनी पत्रकार परिषदेत दिली.
भारतरत्न डॉ. बाबासाहेब आंबेडकर यांच्या जयंती निमित्ताने ही बैठक आयोजित केली आहे. या बैठकीत नूतन पदाधिकाऱ्यांची निवड करण्यात येणार आहे. आतापर्यंत सुमारे 80 मंडळांना बैठकीचे सर्क्युलर देण्यात आले आहे. एकूण 280 मंडळांना निमंत्रित करण्यात येत आहे. यावेळी उत्सव समितीचे पदाधिकारी, समाजातील विविध क्षेत्रातील पदाधिकारी, कार्यकर्ते, महिला, विद्यार्थी आदींनी उपस्थित राहावे, असे आवाहन कार्यकारणी सदस्य आशुतोष नाटकर यांनी केले आहे.
या पत्रकार परिषदेस रवी म्यातरल्लू, मिलिंद प्रक्षाळे, विलास सरवदे, चंद्रकांत सोनवणे, दीपक गवळी, लखन भंडारे आदी उपस्थित होते.
