येस न्युज मराठी नेटवर्क : गुजरात आणि हिमाचल प्रदेशच्या विधानसभा निवडणुकीच्या दरम्यान दिल्ली महापालिकेच्या निवडणुका पार पडल्या होत्या. दिल्लीतील महापालिकांच्या पुनर्रचनेनंतर दिल्ली महापालिकेची निवडणूक जाहीर झाली होती. त्या निवडणुकीत आपनं भाजपला पराभवाचा धक्का दिला होता. आपनं भाजपच्या ताब्यात असलेली दिल्ली महापालिका खेचून आणली होती. मात्र, महापौर पदाची निवडणूक गेल्या काही महिन्यांपासून वारंवार लांबणीवर पडत होती. अखेर दिल्ली महापालिकेच्या महापौर पदाच्या निवडणुकीचं प्रकरण सुप्रीम कोर्टात गेलं होतं. सुप्रीम कोर्टानं महापालिका निवडणुकीत उपराज्यपालांनी नामनिर्देशित केलेल्या नगरसेवकांना मतदान करता येणार नाही, असा आदेश दिला होता. आज झालेल्या निवडणुकीत आपच्या शैली ऑबेरॉय या विजयी झाल्या आहेत. तर, भाजपच्या रेखा गुप्ता यांचा पराभव झाला आहे. शैली ऑबेरॉय यांना १५० मतं मिळाली. तर, रेखा गुप्ता यांना ११६ मतं मिळाली
