बाळे येथील संतोष नगर भागातील प्रकार
येस न्युज मराठी नेटवर्क ; दारू पिण्यासाठी पैशाची मागणी करत शिवीगाळ करून धक्काबुक्की केल्याचा प्रकार बाळे येथील संतोष नगर भागातील सार्वजनिक शौचालयासमोर १७ मे रोजी दुपारी दोन वाजता घडला . निरंजन नरेश काकडे व नितीन मस्के असे दोघे मिळून बाळे चौक ते संतोष नगर या रस्त्यावरून चालत जात असताना मुकुंद प्रभाकर माशाळ आणि किरण नलावडे या दोघांनी दारू पिण्यासाठी पैशाची मागणी केली व शिवीगाळ करून धक्काबुक्की केली. मुकुंद माशाळ याने बियरची रिकामी बाटली घेऊन निरंजन काकडे व नितीन मस्के यांच्या डोक्यात मारून जखमी केल्याचे तक्रारीत म्हटले आहे. फौजदार चावडी पोलीस ठाण्याचे पोलीस नाईक तपास करीत आहेत.
