महासिध्द देवाचे फुलारी गंभीर जखमी,
भंडारकवठे द सो.दि.१२(प्रतिनिधी )तालुक्यातील भंडारकवठे येथील ग्रामदैवत श्री महासिध्द देवाचे फुलारी पहाटे रानात पूजेसाठी बेलपत्र आणण्यासाठी गेले असता अज्ञात हल्लेखोर त्यांचा घातपात करण्याचा प्रयत्न केला यात ते गंभीर जखमी झाले असून उपचारासाठी शासकिय रुग्णालयात दाखल केले आहेत. याबाबत सविस्तर माहिती अशी की.आज सोमवती अमावस्या. श्री महासिध्द देवाचे फुलारी पिरप्पा फुलारी हे पहाटे तीनच्या सुमारास पूजेसाठी लागणारे बेलपत्र आणण्यासाठी रानात गेले होते. बेलपत्र घेऊन श्री महासिध्द मंदिराकडे येत असताना अज्ञात हल्लेखोर फुलारीचा घातपात करण्याचा प्रयत्न केला.पिरप्पा फुलारी यांच्या तोंडात कापडाचा बोळा घालून हातपाय बांधून जबर मारहाण करण्यात आल्याची चर्चा गावातून होत आहे. अज्ञात हल्लेखोर यांनी केलेल्या हल्ल्यात फुलारी यांच्या डोक्याला गंभीर जखम झाल्याने ते बेशुध्दावस्थेत आहेत त्यांच्यावर सोलापूर येथील शासकीय रुग्णालयात उपचार चालू आहे.पूजेसाठी बेलपत्र आणण्यासाठी गेलेल्या फुलारी यांचा अचानक घात करण्याचा प्रयत्न झाल्याने गावात उलटसुलट चर्चा चालू आहे,
