सोलापूर : जुनी मिल आवारातील संभाजीराव शिंदे विद्यामंदिर प्राथमिक शाळेत क्रीडा महोत्सवाची सांगता व बाळ गोपाळांचा आनंद मेळावा उत्साहात साजरा करण्यात आला. मुख्याध्यापिका राजश्री नारायणकर यांच्या उपस्थितीत पालकांच्या हस्ते हवेत फुगे सोडून या आनंद मेळाव्याचे उद्घाटन करण्यात आले.. यावेळी प्रत्येक वर्गाच्या वतीने विद्यार्थ्यांनी खाद्यपदार्थांचे वेगवेगळे स्टॉल्स लावण्यात आले होते. विद्यार्थ्यांसाठी हवेची घसरगुंडी, जम्पिंग जपांग, मत्स्य झुला, बाबा गाडी चक्री तसेच विविध मनोरंजक.. खेळांचे आयोजन करण्यात आले होते. विद्यार्थ्यांनी या आनंद मेळाव्याचा मनमुराद आनंद लुटला.सदर आनंद मेळावा यशस्वी करण्यासाठी मुख्याध्यापक शिक्षक व सर्व शिक्षकेतर कर्मचारी यांचे सहकार्य लाभले
