सोलापूर: स्वामी विवेकानंद प्राथमिक शाळेत संस्थापक अध्यक्ष माननीय प्रकाश जी यलगुलवार यांच्या अमृत महोत्सवी वाढदिवसानिमित्त विद्यार्थ्यांसाठी आनंद मेळाव्याचे आयोजन केले होते. ग्रामदैवत श्री सिद्धरामेश्वर यांच्या नंदी ध्वजाचे सर्वात प्रथम पूजन करण्यात आले. नंतर परिसरात नंदीत्वजाची मिरवणूक काढण्यात आली. नंतर विद्यार्थ्यांनी आनंद मेळाव्याचा आनंद घेतला. यामध्ये विविध प्रकारचे पाळणे जम्पिंग मिकी माऊस रिमोट कार घोडा उंट इत्यादीचा बालगोपाळांनी आनंद घेतला. शाळेच्या परिसरात जणू गड्डा जत्रेचे स्वरूप आले होते. संस्थेच्या सेक्रेटरी सीमा येलगुलवार यांच्या मार्गदर्शनाखाली या मेळाव्याचे आयोजन करण्यात आले होते. सन्माननीय सेक्रेटरी शशी भूषण यलगुलवार सन्माननीय सदस्य माणिक यादव , असादे मुख्याध्यापिका मंगल ताटे मॅडम यांची या कार्यक्रमास उपस्थिती होती. सर्व शिक्षकांनी या मेळाव्यासाठी परिश्रम घेतले.
