येस न्युज मराठी नेटवर्क : चहाची वेळ नसते पण वेळेला चहा हवाच हे आपण सर्वांनी अनुभवले असेलच. पुण्यासारख्या शहरात तर चहाला अमृततुल्यचा दर्जा देण्यात आला आहे. कधी १००० रूपये किंमतीचा चहा तुम्ही प्यायला आहात का? हो तुम्ही अगदी बरोबर ऐकलत. कोलकत्त्यातील एका दुकानात तुम्हाला एक कप चहासाठी १००० रूपये मोजावे लागतात.कोलकाता येथे राहणाऱ्या पार्थ प्रतिमा गांगुलीन यांनी मुकुंदपूर येथे निर्जश या नावाने आपले चहाचे स्टॉल सुरू केले आणि एका कपसाठी १२ रूपये ते १ हजार रुपयांच्या वेगवेगळ्या प्रकारच्या चहाची विक्री सुरू केली. २०१४ मध्ये निर्जश येथे सुरु झालेल्या स्टॉलवर जवळपास १०० वेगवेगळ्या प्रकारचे चहा मिळतात.एक हजार रुपये किंमतीचा चहाचे नाव बो-ले चहा आहे आणि त्याची किंमत ३ लाख रुपये प्रति किलो आहे. चहाच्या इतर प्रकारांमध्ये सिल्वर निडल व्हाइट चहा, लव्हेंडर चहा, हिबिस्कस चहा, वाइन चहा, तुळशी आले चहा, ब्लू टिस्ने चहा, तीस्ता व्हॅली चहा, मकाबेरी चहा, रुबिओस चहा आणि ओकायटी चहा सारख्या अनेक स्वादांचा समावेश आहे.
