३४५ रुग्ण कोरोनामुक्त,२३ जणांचा मृत्यू
सोलापूर : जिल्ह्याचा covid-19 चा बुधवार दिनांक ९ जून चा अहवाल प्राप्त झाला आहे . मंगळवारी रात्री १२ वाजेपर्यंत संपलेल्या २४ तासात जिल्ह्यातील ४८५ व्यक्तींना नव्याने कोरोनाची बाधा झाली आहे. या कालावधीत ३४५ रुग्ण कोरोनामुक्त झाले आहेत. २३ जणांचा कोरोनामुळे मृत्यू ओढवला आहे. तालुकानिहाय कोरोना बाधितांची आकडेवारी पाहिली असता पंढरपूर तालुक्यात सर्वाधिक ११० आणि माळशिरस तालुक्यात १०२ नवीन व्यक्तींना कोरोनाची बाधा झाली आहे. इतर नऊ तालुक्यात १०० पेक्षा कमी नवीन रुग्ण आढळले आहेत. उत्तर सोलापूर तालुक्यात सर्वात कमी म्हणजे अवघे ७ नवीन रुग्ण आढळले आहेत.
