सोलापूर: प्रजासत्ताक दिनानिमित्त पंढरपूरच्या विठ्ठल मंदिरात राष्ट्रीय ध्वजाप्रमाणे सजावट करण्यात आली आहे.भारताच्या तिरंग्याप्रमाणे फुलांची केलेली सजावट भाविकांचे लक्ष वेधून घेत आहे.प्रजासत्ताक दिनाचे औचित्य साधून राष्ट्रीय ध्वज तिरंगा प्रमाणे फुलांनी मंदिर परिसर फुलून गेले आहे.पुण्यातील धायरी येथील कलाकार तसेच मोरया ग्रुपच्यावतीने ही सजावट करण्यात आलेली आहे. विशेष दिनाचे औचित्य साधून मंदिर परिसरात आकर्षक फुलांची सजावट करण्यात येते.
