सोलापूर : एनआरसी, सीएए आणि देशात ढासळलेल्या अर्थव्यवस्थेविरोधात वंचित बहुजन आघाडीने शुक्रवार दि. २४ जानेवारी रोजी मुंबईसह महाराष्ट्र बंदची हाक दिली असून वंचित बहुजन आघाडीचे प्रदेश प्रवक्ते व नगरसेवक आनंद चंदनशिवे यांनी सोलापूर शहर व जिल्ह्यातील विविध सामाजिक संघटना, व्यापारी, उद्योजक, समाज बांधवांनी या बंदमध्ये सहभागी होऊन आपला पाठींबा दर्शवावा असे आवाहन पत्रकार परिषदेद्वारे केले आहे. तत्पूर्वी मुस्लिम समाज, भटक्या विमुक्त जाती, लिंगायत समाजाने या आंदोलनास पाठींबा दिला आहे. या पत्रकार परिषदेस ज्योती बामगोंडा, रियाज खैरादी, गणेश पुजारी यांची उपस्थिती होती.
