येस न्युज मराठी नेटवर्क : सोलापूरचे ग्रामदैवत श्री सिद्धेश्वर महाराज यांची यात्रा अवघ्या काही दिवसानंतर येऊन ठेपली असतानाच या सिद्धेश्वर महाराजांची महती अख्ख्या जगभरात पोहोचलेली दिसत आहे. सिद्धेश्वर यात्रेच्या पार्श्वभूमीवर सिद्धेश्वर चरणी सेवा करण्यास अनेक उद्योगपती व्यापारी सामाजिक संस्था पुढे येत असतानाच आता गुजरातच्या बांधकाम व्यवसायिकांनी हीच सिद्धेश्वर चरणी सेवा करण्याची संधी मिळाली आहे गुजरातच्या विजय इन्फ्रा प्रायव्हेट लिमिटेड कंपनीच्या टीमने सिद्धेश्वर यात्रेच्या पार्श्वभूमीवर दर्शनासाठी येणाऱ्या हजारो भाविकांना जेवणाची सोय करून दिली आहे. 10 जानेवारी ते 17 जानेवारी या कालावधीत दर्शनासाठी येणाऱ्या भाविकांना सकाळचा चहा दुपारचे जेवण परत संध्याकाळचा चहा अशी सेवा देण्यात येणार असल्याची माहिती विजय इन्फ्रा प्रायव्हेट लिमिटेडचे मॅनेजिंग डायरेक्टर जगदीश अग्रवाल डॉक्टर अग्रवाल प्रोजेक्ट मॅनेजर रमेश अग्रवाल महेश पाटील निखिल खाजूवाला प्रणव अग्रवाल आदींनी निर्मलकुमार फडकुले सभागृहात पत्रकार परिषदेत दिली.
